Tuesday, August 09, 2005

 

Mi laik go ya

Olgeta yia long 8 mun na 9 mun nabaut, mi save go long PNG. Long Jepen ol man save kisim longpela holide long 8 mun na 9 mun. Igat longpela skul brek i stap long dispela sisen tu. Dispela sisen ol kolim sama (summer) na mi ken tok olsem em taim bilong hot. Tru, nau san hot tumas na i no gutpela taim bilong wok o skul. Dispela kain taim em gutpela taim bilong lusim Jepen na go raun long ples long PNG. Mi no save raun raun long narapela narapela ples long PNG. Mi mangi Simbu ya, mi save raun insait long Simbu tasol.
Nau long 2005 tu mi tingting long go long PNG tasol mi bisi liklik na nogat moni tu bilong go raun long PNG. Mi stap yet long Jepen. Mi save olsem ol brata susa i stap long ples ol i wetim mi long kam na stap wantaim ol, tasol mi no nap go. Mi save olsem ol lain i stap long Mosbi ol ting olsem mi bai kam. Mi wari tru long ol. Ol bai ting olsem mi dai pinis o mi gat sampela problem nabaut, tasol nogat. Mi stap orait. Mi stap orait tasol i gat problem long taim na moni tasol.
Olsem na mi laik putim liklik toksave long hia. Mi laik go ya, na yes, mi bai go, tasol i no long nau. Ating neks yia long 2 mun o 3 mun samting, bai mi go raun long Simbu. Ol mangi! Wet stap! Bai mi kam.

Comments:
Great beat ! I wish to apprentice while you amend your web site, how can i subscribe for a blog
web site? The account aided me a acceptable deal.
I had been a little bit acquainted of this your broadcast
provided bright clear concept

Feel free to visit my blog post - look into this breast actives review
 
Post a Comment

<< Home

This page is powered by Blogger. Isn't yours?